Photo of Byron Bay - one of Australia's best beaches! Photo of Byron Bay - one of Australia's best beaches! Photo of Byron Bay - one of Australia's best beaches!

DAAWO SAWIRADA:-Madax-dhaqameedka Iyo Haldoorka Beesha Akisho Oo Taageero Mug Leh U Muujiyay Xisbiga Waddani

Madax-dhaqameedka,odayaasha,waxgaradka,ganacsatada,haweenka iyo haldoorka Beesha Akisho ayaa munaasibad ay iskugu yimaadeen oo ka dhacday magaalo xuduudeedka Tog-wajaale waxay ku shaaciyeeen kuna soo bandhigeen taageerada laxaadka leh ee ay u hayaan xisbiga mucaaradka ah ee WADDANI.
Waxaana munaasibadan oo ahayd mid si heer sare ah loo soo agaasimay ay kulmisay madax-dhaqameedka,odayaasha,ganacsatada,haweenka iyo Haldoorka beesha Akisho ,waxaana ay  dhamaantood shaaca ka qaadeen inay taageero mug leh ay u hayaan xisbiga mucaaradka ah ee WADDANI,iyaga oo sidoo kalena ka dhawaajiyay sababaha kalifay inay taageeraan xisbiga WADDANI oo u tartamaya hanashada hogaaminta talada Dalka,Waxaana sidoo kale ay eedaymo usoo jeediyeen xisbiga KULMIYE.
Ugu horeyn waxa madashaasi ka hadlay Caaqil Aw Siyaad,waxaana uu cod dheer ku sheegay in beesha Akisho ay taageero u hayaan xisbiga WADDANI isla markaana ay codkooda iyo cududoodaba ay la barbar taagan yihiin xisbigaasi WADDANI waxaana hadaladiisii kamid ahaa sida tan.
“WADDANI waanu raacsanahay,waanuna ku xudun xidhanaynaa waliba sidii wakhtigii hore oo kale aanu KULMIYE ugu xudun xidhanay dabadeedna kolkii Awrka la raray aanu ka hadhnay ee la yidhi halkaas ii fadhiya,gurigii waanu iskaga soo guurnay,waanu ku xidhanaynaaye sidaa haw ogaadaan xisbiga WADDANI”Sidaas ayuu yidhi caaqil Aw Siyaad.
Dhinaca kale waxa iyaguna madashaasi ka hadlaodayaasha,waxgaradka,haweenka iyo haldoorka Beesha Akisho,waxaana ay cod dheer ku shaaciyeen in taageradooda,awoodooda,codkooda,maskaxdooda iyo maalkoodaba ay la barbar taagan yihiin xisbiga WADDANI,ayna geed dheer iyo mid gaabanba u korayaan sidii xisbiga WADDANI talada dalka ugu guulaysan lahaa,iyaga oo sidoo kalena ku  goodiyay in Beeshoodu xisbiga ay taageerto ay guushu raacdo waxaana hadaladoodii kamid ahaa.
“Markaanu dhinac kaste ka eegnay ee la isku raacay inuu yahay xisbiga Beeshu maanta hawlaheeda haday tahay dhinaca wada shaqayneed aynu la yeelanayno,markaa xisbigani waa xisbi Qaran,waa xisbi umadaha oodhan ka dhaxeeya,maaha xisbi Beeleed,waxaad ogaydeen KULMIYE barigii hore ayaynu isku raacnay maantana WADDANI,Waxaad ogaataan xisbiga Beesheenu ay raacdaa waa xisbiyada inta badan guulaysta,Insha allah waxaan alle xisbigan uga baryaynaa inuu ku guuleey talada dalka”sidaas ayuu yidhi mid kamid ah odayaasha beesha Akisho.
“Waxa aan anigu shakhsiyadayda,naftayda waxaan maanta u dhiibayaa xisbiga WADDANI,Beesha Akishona sidaasay naftooda ugu dhiibayaan xisbiga WADDANI,waxaanay Beeshu maanta u diga rogatay xisbiga WADDANI.”Oday kamid ah Beesha Akisho.
“Ha guulaysto xisbiga WADDANI,hadaanu nahay Beesha Akisho,waxaan kusoo biirnay xisbiga WADDANI,KULMIYE waxa uu soo sido ayaa iska yar,waad ogtihiin in dhulkii Somaliland oo dhan uu iibsaday,waad ogtihiin inuu qaybiyay,markaa xissbiga cadaaladda ah baa ku dhaqmaynaa codkayagana siinaynaa”mid kamid ah haweenka Beesha Akisho.
Dhinaca kale masuuliyiinta xisbiga WADDANI ee gobolka Gabiley iyo degmada Wajaale oo munaasibadaasi boqranayd goob joog ahaa ayaa waxay madax-dhaqameedkan,odayaashan,waxgaradkan iyo h aldoorkan Beesha Akisho kusoo dhaweeyeen xisbiga WADDANI,iyaga oo carabka ku adkeeyey inaan xisbiga WADDANI la kala lahayn,balse lagu soo kala horeeyey,waxaana ay sidoo kale eedaymo kulul usoo jeediyeen xisbiga muxaafadka ah ee KULMIYE waxaana hadaladoodii kamid ahaa sida tan.
“Akisho waa beelaha xudunta Somaliland ee sida sharafta leh qiimaha leh ugu soo  biiray xisbiga WADDANI,kana dhawaajiyay inay taageero buuxda siinayaan xisbiga ay tahay hordhac,maanta taageeraddani ayna ugu danbayso inay si kama danbays ah ugu soo biirayaan xisbiga WADDANI,odayaashooda,cuqaashooda,aqoonyahankooda,haweenkooda dhamaantood aad iyo aadbaan usoo dhawaynayaa,waxaan leeyahay soo dhawaada”sidaas ayuu yidhi gudoomiyaha xisbiga WADDANI ee degmada Tog-wajaale.
“Waxa ii sharaf ah inaan kasoo qayb galo xafladan ay Beesha Akisho kusoo biirayso xisbiga WADDANI oo ah beel aad iyo aad u mudan,ahna Beeshii Sheekh Cumar Warfaa,sheekheenii Qiimaha badnaa ee Imaamka gobolka kamid ka ahaa,waan idin soo dhawaynaynaa mar labaad iyo mar saddexaadba,horta xisbiga aad kusoo biirteen waa xisbi ay calaamadihiisu ka muuqdaan in uu ka dheer yahay Cadaalad darro,cadaaladd daradaasna waxa aynu ka aragnay waa xisbiga KULMIYE,waxa ku jirtay gabaygii Abwaan Tima-cade xiligii 60-kii,”Madaxwayneyaal iyo markaan Ministar loo doortay,Niyaddii wacnayd iyo dadkii meel u wada jeeday,nimankii kaligood waalay waa kuwii maalay kaligoode,xisbiga KULMIYE hawshii loo dhiibay iyo madaxtinimadii dalka iyo qanimadii dalku lahaa horta koox yar baa maamulatay”sidaas ayuu yidhi  gudoomiyaha xisbiga WADDANI ee gobolka Awdal.
 Gabagabadiina Beesha Akisho ee maanta cududooda taageero u muujisay xisbiga WADDANI ayaa waxay kamid yihiin Beelaha Faca wayn iyo taariikhda ku leh Somaliland.

Loading...

Shabakada Saadaal Media Kala Soco Wararkii Ugu Danbeeyay

Nagala Xiriir E-mail saadaalnews@gmail.com

Fadlan Fikirkaaga ha ahaado Mid Wax Dhisaya

Fikradaha Akhristayaasha (1)

  1. Puntland boy says:

    Waxaan la’yaabanahay Oday dhaqameed hor boodaya doorosho oo hadana leh Anagoo Reer Hebela waxaan cod keena siineeynaa Xisbi hebel,Doorashaada waxaa la’rabaa ineey shacabka doortaan qofkeey rabaan iyagoo ku qiimeeynaya hadba waxay rabaan,




ad

Latest News

DHAGEYSO:-Madaxweynaha Galmudug oo Farmaajo Dartiis u Bedelay Mowqifkiisii Adkaa ee,,,,,,,,,
- Oct 20, 2017
DHAGEYSO:-Madaxweynaha Galmudug oo Farmaajo Dartiis u Bedelay Mowqifkiisii Adkaa ee,,,,,,,,, HALKAAN KA EEG
MUUQAAL:Xubno baarlamaan oo ka socday Israel oo lagu khasbay inay ka baxaan shirkii baarlamaanka adduunka
- Oct 20, 2017
Afhayeenka baarlamaanka dalka Kuweyd Marzouq Al-Ghanim,  oo ka qaybgalay kulankii baarlamaanada adduunka kiisii 137-aad ...
Dhageyso:-Madaxweyne Xaaf Oo Dalbaday In Uu Wadahadal La Galo Dowladda Soomaaliya
- Oct 20, 2017
Axmed Ducaale Geelle Xaaf, Madaxweynaha dowlad goboleedka Galmudug oo Warbaahinta shir jaraa’id  Qadka taleefonka ugu qabtay ...