Photo of Byron Bay - one of Australia's best beaches! Photo of Byron Bay - one of Australia's best beaches! Photo of Byron Bay - one of Australia's best beaches!

Madaxweynaha Jubbaland “Baarlamaanka Hadda Jira Waa Mid Wax Badan Ka Duwan Kuwii Hore”

Madaxweynaha Maamul  gobolleedka Jubbaland Axmed Maxamed Islaam [Axmed Madoobe] oo xalay khudbad ka jeedinayay munaasabad magaalada Kismaayo loogu qabtay wafdiga gollaha xukuumada federaalka uu horkacayay ra’iisal wasaare  Xassan Cali Kheyre, ayaa fariin u diray xildhibaannada baarlamaanka Soomaaliya.

Madaxweynaha Jubbaland ayaa sheegay in xildhibaannada baarlamaanka 10aad ee Soomaaliya yihiin kuwo wax badan ka duwan sida uu hadalka u dhigay xildhibaannadii ka horeeyay, isaga oo sheegay in mid walba oo ka mid ah kursiga ku taggay codka 51 qof oo ka tirsan Reerkiisa.

“Marka hore waxaa wanaagsan in aan ogaanno baarlamaanka 10aad ee waqtigan shaqeynaya waa mid ka duwan kuwii hore, oday ma soo qorrin, maamul gobolleed ma keensan, mid walba oo ka mid ah waxaa uu meesha ku yimid codka 51 oo qof ka tirsan Reerka uu kursiga ku matalayo, sidaa daraadeed waxaa ay ka dhigan tahay in lala xisaabtamayo oo haddii ay wax qaldamaan xildhibaan walba dib loogu yeeri karo deegaankii laga soo doortay’’ ayuu yidhii Axmed Madoobe.

Xukuumada uu hogaaminayo ra’iisal wasaare Kheyre ayuu ugu Laab-qaboojiyay in aysan jirin baqdin weyn oo laga qabi karo xildhibaannada baarlamaanka oo sida uu sheegay u badan rag dhalinyaro ah oo u damqanaya Qarannimada.

‘’Waxaa iska jira dhaqan soo jireen ah oo lagu bartay baarlamaannadii hore, laakiin waxaan is leeyahay baarlamaanka Soomaaliya ee xiligan shaqeynaya waa mid ay ka buuxaan dhalinyaro Aqoonyahanno u badan oo raba in horay loo socdo, marka ma jirto baqdin badan oo hadda iyaga laga qabi karo’ ayuu hadalkiisa sii raaciyay.

Dhinaca kale, madaxweynaha Jubbaland ayaa sheegay in xildhibaannada baarlamaanka aysan mudneyn dacaayad iyo in loo adeegsado warar aan ka habooneyn, maadaama ayuu yiri ay iyagu yihiin kuwo asalka u ah dowladnimada.

‘’Anniga ma qabo in xildhibaannada la dacaayadeeyo ama loo adeegsado hadalo aan munaasab ku aheyn, waayo iyaga ayaaba dowladda hadda jirta dhalay oo madaxweynaha soo doortay, xukuumaddana Ansixiyay, iyaga ayaa nooga damqasho iyo laxjcelo badan inteena kale, sidaa daraadeed waan uga cudur-daarayaa in hawada loo mariyo hadal aan munaasabad ku aheyn’’ ayuu yidhi madaxweyne Axmed Madoobe.

Hadalka madaxweynaha Jubbaland ayaa imanaya xili waayadii ugu danbeeyay uu jiray guux hoosaad tilmaamaya ay jiraan xildhibaanno diyaarinaya mooshin ka dhan ah xukuumada, inkastoo dhinaca kale inta badan xildhibaannadu beeniyeen in arintaasi jirto.

Loading...

Shabakada Saadaal Media Kala Soco Wararkii Ugu Danbeeyay

Nagala Xiriir E-mail saadaalnews@gmail.com

Fadlan Fikirkaaga ha ahaado Mid Wax Dhisaya

Fikradaha Akhristayaasha (0)




ad

Latest News

TOOS U DAAWO:-Siyaasiga Faarax Macalin oo horay u soo noqday Guddoomiye kuxigeenka Baarlamaanka Kenya oo Imaaraadka Carabta ku tilmaamay cadawga Soomaaliya
- Apr 25, 2018
Siyaasiga Faarax Macalin oo horay u soo noqday Guddoomiye kuxigeenka Baarlamaanka Kenya ayaa Imaaraadka ...
DAAWO SAWIRO:-Ra’iisal wasaare ku xigeenka soomaaliya oo xafiiskiisa ku qaabilay Danjiraha Dawladda Qadar u fadhiya Soomaaliya
- Apr 24, 2018
Ra’iisal wasaare ku xigeenka Xukuumadda Federaalka Soomaaliya Mudane Mahdi Maxamed Guuleed (Khadar), ayaa maanta ...
Sarkaal ka tirsan Daacishta ka dagaalanta Puntland oo lagu qabtay Muqdisho
- Apr 24, 2018
Caasimada soomaaliya ee muqdisho ayaa lagu qabtay Sarkaal ka tirsan Daacish kaasoo la sheegay ...