Photo of Byron Bay - one of Australia's best beaches! Photo of Byron Bay - one of Australia's best beaches! Photo of Byron Bay - one of Australia's best beaches!

Musuq-maasuqa Qarsoon iyo kan muuqdo keebaa halis badan

Dalka soomaaliya wuxuu ku caan baxay musuq-maasuq iyo wax is dabamarin, wuxuuna dhowr sano ah oo xariir ah qaatay koobka musuqa aduunka. Arintaan maahan  mid ay moogyihiin dadka soomaaliyeed balse waxay u arkaan caqabada ugu weyn ee horumarka iyo amniga dalka haysato inay tahay musuqa baahsan ee ka jira dalka iyo lunsashada xoolaha shacabka ee ay caadaysteen madaxdu.

Balse waxaan lagu baraarugsanayn inuu musuqa hadda noo muuqdo uu yahay mid faaiido leh, halisna yar marki la garab dhigo kan aan inoo muuqan ee saameeyay dhamaan qaybaha kala duwan ee bulshada. Inta aanan u gudbin musuqa qarsoon bal marka hore aynu qeexno waxa la yiraahdo musuq-maasuq.

Musuq-maasuq waa daacad la’aan iyo khiyaamo ay galaan kuwa awooda leh gaar ahaan kuwa ku jiro xafiisyada dowlada iyo adeega dad-weynaha. Wuxuu noqon karaa mid laaluush maaliyadeed lagu kala qaato ama waji garad, macrifo loo maro qof kale iyo nin jeclaysi loogu sad buriyo wax uusan qof xaq u lahayn. Waxaa sidoo kale, musuq ah gudasho la’aanta xil ama shaqo laguu igmaday taasoo ay dhici karto inuusan qof ku qaadan wax maal ah balse uu lunsado waqtigii uu dadka ugu adeegi lahaa. Waa midaan danbe tan aan rabo inaan halkaan kaga hadlo.

Lunshada waqtiga dad waynahu waa mid ka halis badan lunsasho maaliyadeed. Dadku uma arkaan inay tahay danbi xak Eebe, sidoo kale uma arkaan khiyaamo qaran iyo mid dad-weyne toona. Taas waxay keentay in qof walba uu ku tagri falo waqtigii loogu talagalay inuu ummada ugu adeego cid kula yaabtana aysan jirin. Meelaha ugu badan ee ay ka dhacaan lunsashada waqtigu waxaa ka mid ah isbitaalada dowlada yo kuwa ay ha’adahuhu gacanta ku hayaan (war badan kama hayo kuwa sida gaarka ah loo leeyahay), iyo dhamaan goobaha wax barashada.

Waxaan sanadkii hore safar gaaban ku tagay dalkeena meelo ka mid ah. Waxaan booqday dhowr dugsi oo kala duwan anigoo waliba sii ogaysiiyay inaan imaan doono barri. Waxaa I yaab galiyay in maamulaha iskoolka ahaa qofkii ugu danbeeyay ee yimaado iskoolka. Sidoo kale, waxaan booqdday mid kale waqtigii laga soo noqon lahaa fasaxa quraacda. Markii ay ardadu kusoo noqdeen fasalada ayna sii amba qaadi lahaayeen casharadooda, macalimiinta qaar ayaa wali sii maqnaa. Wax yaabaha iga yaabiyay ayaa ahaa in maamulaha iyo macalimiinti toona aysan u arag inay wax qalad ah ku jiraan. Markaan isku dayay inaan u iftiimiyo inay musuq iyo is-dhaadhaafis ku hayaan iskoolka, arada, waalidiintood iyo dhamaan dalka, waxay igala hor yimaadeen diidmo iyo dood ah inaan tanoo kale la dhihin musuq.

Loading...

Shabakada Saadaal Media Kala Soco Wararkii Ugu Danbeeyay

Nagala Xiriir E-mail saadaalnews@gmail.com

Fadlan Fikirkaaga ha ahaado Mid Wax Dhisaya

Fikradaha Akhristayaasha (0)




ad

Latest News

MUUQAAL:-Barnaamijka Dareenka Shacabka oo looga dooday Shirarkii u dhexeeyay Dawladda Fedaraalka ah & Maamul Gobaleedyada iyo Galmudug & Ahlu-suna
- Apr 26, 2017
Barnaamijka Dareenka Shacabka oo si joogta uga baxa Telefishhinka Caalamiga ah Home Caple, kaasoo ...
DHAGEYSO: Xildhibaan Mahad Salaad”Waa Masuuliyad darro,waa in Baarlamaanka la horkeeno Madaxda lana Fadeexeeyo Maadaama Ciidanka Qaranka ay kala qeybinayaan”
- Apr 26, 2017
Xildhibaan Mahad Maxamed Salaad oo ka mid ah Xildhibaanada Baarlamaanka Soomaaliya ayaa sheegay in ...
DHEGAYSO:-Feysal Cali Waraabe”“Waa Toddobo Imaaraadku Carabta ee midkii 8-aad, waa tan Farmaajo”
- Apr 26, 2017
Injineer Feysal Cali Waraabe Guddoomiyaha Xisbiga Mucaaradka UCID ee maamulka Somali-land ayaa xusay in ...